La caída
2008
«La caída» ye un poemariu n’asturianu de Xurde Álvarez, publicado en 2008 pola editorial Trabe (ISBN 978-84-8053-524-3).
Ficha del llibru / Ficha del libro
- Título: La caída
- Autor: Xurde Álvarez
- Idioma original: asturianu
- Género: poemariu
- Año de publicación: 2008
- Editorial: Trabe
- ISBN: 978-84-8053-524-3
Sinopsis de «La caída», poemariu (asturianu)
“La caída” ye’l primer poemariu non-social del autor y nel que se cuenta, en forma diariu, la visión del mundu d’una persona dende’l día en que se produz el so esbarrumbe emocional hasta que ye a ver la primer migaya d’una lluz en forma d’esperanza.
Sinopsis de «La caída», poemario (castellano)
“La caída” es el primer poemario no-social del autor y en el que se cuenta, en forma diario, la visión del mundo de una persona desde el día en que se produce su derrumbe emocional hasta que es capaz de ver la primera migaja de una luz en forma de esperanza.
Esbilla del poemariu «La caída» (asturianu)
15 de xineru. (asturianu)
Esti ye’l sitiu. El llugar de la quiebra. Esta
ventana sobre’l mundu, esta lluz en decadencia
bautizando día a día
esti cuartu. Esta
cama esfecha como arena revuelta, les cortines
que se despeñen como lluvia blanca,
los llibros
rompiendo a callar na estantería, la
llámpara como faru; la mesa, la siella
vacía con vocación d’espera; les formes
del recuerdu; too esto
que m’arrodia y ye pisada imprescindible
del sol:
Esti ye’l sitiu. El llugar de la quiebra...
…Un día espiertes
y nada naz.
Un güelpe o una foz o un
resgón d’abandonu vien a abrir, a afondar, a
arrendar
una poza enllena
de vacíos conocíos.
Ye’l día de l’agonía fiel.
L’alborada
del cansanciu invencible, cruel.
El día
en qu’esperteyes, y ye muda la mirada, y la mañana tien por comadrona
al dolor.
15 de xineru. (asturianu) · La caída · Xurde Álvarez · Lliteratura asturiana
15 de febreru. (asturianu)
A romper cristales, a tirar
piedres escontra d’ellos y arreventar
definitivamente’l quedu. A que
entre l’aire, l’aire, l’aire, y que too lo percuerra,
y que too lo remueva, y qu’a toles coses
-y dea’l nome.
A que
el podre marche afuera, a que se disuelva, a que
nun haya un sitiu nel que s’engole; un vientu
que lu lleve,
que lu arrastre,
que lu recueya o lu sostenga…
…Güei sé que solo soi un home
que recuerda al vacíu,
que s’acaba
en cada umbral,
que resiste
impasible ente les voces de la xente anestesiáu
pola indeferencia, pola desgana,
por una dómina que llamó a otros nomes
que nun fueron
el suyu…
A romper cristales, a romper los cristales del mieu y
entrar dientro casa.
Entrar
dientro min.
15 de febreru. (asturianu) · La caída · Xurde Álvarez · Lliteratura asturiana
19 de febreru. (asturianu)
Al otru llau del silenciu
habita la súplica más dura.
Espero en ti.
Que me busques, que veas esta
enfermedá,
que me llames y qu’al pronunciar tu’l mio nome
yo nél
me reconoza.
Espero que desentierres l’orbayu
d’esta mirada, d’estos dos
pozos vacíos, d’estos dos
pozos secos.
Esta ye la única puerta
que t’abro.
Crucia’l quiciu.
Nun me dexes solu. Sabes
que crecí ente’l dolor. Sé
que tu yes esa pallabra
que corrixe la soledá. Sé
que tu m’esperes
al otru llau d’esti silenciu
onde habita escondida esta súplica
tan dura.
19 de febreru. (asturianu) · La caída · Xurde Álvarez · Lliteratura asturiana
20 de febreru (asturianu)
Estes parees, estes blanques parees qu’enzarren
la estensión del cuartu, la violenta
lluz, les formes silencioses
de les coses. Estes
muries d’encalle, esti claustru de nada, esta
cárcel mía sirvidera de pesos y caíes. Estes
muries, estes
muries...
…Aquel qu’esistió,
que resistió a les pallabres,
qu’enumeró una a una, toles derrotes, tolos
fracasos;
aquel qu’un día emigró la mirada
pa nun ver,
y odió los pulsos qu’aducíen a los regresos,
y foi arrenunciu, hiatu, vértiz onde lo antiguo
coincide; onde lo nuevo —la Nada— principia,
aquel; aquel foi solo promesa
tarreciendo güei
la so propia sombra.
Recuerdu ye tan solo
de cuando creyía que podíen repatriase los cielos,
de cuando creyía que se correxíen
los horizontes,
de cuando creyía naquello que cambia,
de cuando creyía.
Nada hai d’él. A naide busques.
Solo tiembla —tiemblo—
ante’l pensar de que tolo que se recuerda
ye lo que yá
nun esiste.
20 de febreru (asturianu) · La caída · Xurde Álvarez · Lliteratura asturiana
22 de febreru. (asturianu)
Ñacer de min.
Volver.
Enfotame en que dalguna promesa
quedrá quedase
equí siempre conmigo.
Tener a dalguién
y nun lu perder.
Amar ensin sentir dolor.
Amar
esta tierra redonda y sola:
la mio mirada.
Esperar la venida de la vida.
Esperar en silenciu. Esperar. Esperar.
Que nun hai amor más fiel
qu’aquel
qu’espera.
22 de febreru. (asturianu) · La caída · Xurde Álvarez · Lliteratura asturiana
Extracto del poemario «La caída» (castellano)
15 de enero. (castellano)
Este es el sitio. El lugar de la quiebra. Esta
ventana sobre el mundo, esta luz en decadencia
bautizando día a día
este cuarto. Esta
cama deshecha como arena revuelta, las cortinas
que se despeñan como lluvia blanca,
los libros
rompiendo a callar en la estantería, la
lámpara como faro; la mesa, la silla
vacía con vocación de espera; las formas
del recuerdo; todo esto
que me cerca y es pisada imprescindible
del sol:
Este es el sitio. El lugar de la quiebra...
…Un día despiertas
y nada nace.
Un golpe o una hoz o un
desgarro de abandono viene a abrir, a horadar, a
arrendar
una fosa llena
de vacíos conocidos.
Es el día de la agonía fiel.
La alborada
del cansancio invencible, atroz.
El día
en que despiertas, y enmudece la mirada, y la mañana tiene por comadrona
al dolor.
15 de enero. (castellano) · La caída · Xurde Álvarez · Lliteratura asturiana
15 de febrero. (castellano)
A romper cristales, a tirar
piedras contra ellos y reventar
definitivamente el quedo. A que
entre el aire, el aire, el aire, y que todo lo recorra,
y que todo lo remueva, y que a todas las cosas
le dé el nombre.
A que
el podrido marche afuera, a que se disuelva, a que
no haya un sitio en el que se retenga; un viento
que lo lleve,
que lo arrastre,
que lo recoja o lo sostenga…
…Hoy sé que sólo soy un hombre
que recuerda al vacío,
que se acaba
en cada umbral,
que resiste
impasible entre las voces de la gente anestesiado
por la indiferencia, por la desgana,
por una época que llamó a otros nombres
que no fueron
el suyo…
A romper cristales, a romper los cristales del miedo y
entrar dentro de casa.
Entrar
dentro de mí.
15 de febrero. (castellano) · La caída · Xurde Álvarez · Lliteratura asturiana
19 de febrero. (castellano)
Al otro lado del silencio
habita la súplica más dura.
Espero en ti.
Que me busques, que veas esta
enfermedad,
que me llames y que al pronunciar tu mi nombre
yo en él
me reconozca.
Espero que desentierres el orvallo
de esta mirada, de estos dos
pozos vacíos, de estos dos
pozos secos.
Esta es la única puerta
que te abro.
Cruza el quicio.
No me dejes solo. Sabes
que crecí entre el dolor. Sé
que tú eres esa palabra
que corrige la soledad. Sé
que tú me esperas
al otro lado de este silencio
donde habita escondida esta súplica
tan dura.
19 de febrero. (castellano) · La caída · Xurde Álvarez · Lliteratura asturiana
20 de febrero. (castellano)
Estas paredes, estas blancas paredes que encierran
la extensión del cuarto, la violenta
luz, las formas silenciosas
de las cosas. Estos
muros de encalle, este claustro de nada, esta
cárcel mía servidera de pesos y caídas. Estos
muros, estos
muros...
…Aquel que existió,
que resistió a las palabras,
que enumeró una a una, todas las derrotas, todos los
fracasos;
aquel que un día emigró la mirada
para no ver,
y odió los pulsos que conducían a los regresos,
y fue renuncio, hiato, vértice donde lo antiguo
coincide; donde lo nuevo —la Nada— principia,
aquel; aquel fue sólo promesa
odiando hoy
su propia sombra.
Recuerdo es tan sólo
de cuando creía que podían repatriarse los cielos,
de cuando creía que se corregían
los horizontes,
de cuando creía en aquello que cambia,
de cuando creía.
Nada hay de él. A nadie busques.
Sólo tiembla —tiemblo—
ante el pensar de que todo lo que se recuerda
es lo que ya
no existe.
20 de febrero. (castellano) · La caída · Xurde Álvarez · Lliteratura asturiana
22 de febrero. (castellano)
Nacer de mí.
Volver.
Confiar en que alguna promesa
querrá quedarse
aquí siempre conmigo.
Tener a alguien
y no lo perder.
Amar sin sentir dolor.
Amar
esta tierra redonda y sola:
mi mirada.
Esperar la venida de la vida.
Esperar en silencio. Esperar. Esperar.
Que no hay amor más fiel
que aquel
que espera.
22 de febrero. (castellano) · La caída · Xurde Álvarez · Lliteratura asturiana